BILD nashri xabariga ko‘ra, "Bavariya" "Shtutgart"ga hujumchi Nik Voltemade transferi bo‘yicha ikkinchi taklifini yuborgan. Nemis grandi 50 million yevro va 5 million bonus, shuningdek, futbolchining kelajakdagi qayta sotuvining 10 foizini taklif qildi.
Biroq, "Shtutgart" bu taklifni darhol rad etdi. Ular qat’iy turib olishgan: agar kamida 65 million yevrolik taklif tushmasa, hech qanday muzokaralar bo‘lmaydi.
"Bavariya" qiziqishni to‘xtatishga tayyor edi, ammo Jamal Musiala jiddiy jarohat olgani rahbariyatni zudlik bilan yangi futbolchi qidirishga majbur qildi. Xarri Keynning bevosita ortida harakat qiladigan Voltemadeni olish imkoniyati "Bavariya"ning 23 yoshli iqtidor egasiga bo‘lgan qiziqishini yanada oshiradi.
Qo‘shimcha qilamizki, 2024/25 yilgi mavsumda Voltamade "Shtutgart" safida barcha musobaqalarda 33 ta o‘yinda maydonga tushib, 17 ta gol va 3 ta golli uzatmani amalga oshirdi.
