BILD нашри хабарига кўра, "Бавария" "Штутгарт"га ҳужумчи Ник Вольтемаде трансфери бўйича иккинчи таклифини юборган. Немис гранди 50 миллион евро ва 5 миллион бонус, шунингдек, футболчининг келажакдаги қайта сотувининг 10 фоизини таклиф қилди.
Бироқ, "Штутгарт" бу таклифни дарҳол рад этди. Улар қатъий туриб олишган: агар камида 65 миллион евролик таклиф тушмаса, ҳеч қандай музокаралар бўлмайди.
"Бавария" қизиқишни тўхтатишга тайёр эди, аммо Жамал Мусиала жиддий жароҳат олгани раҳбариятни зудлик билан янги футболчи қидиришга мажбур қилди. Харри Кейннинг бевосита ортида ҳаракат қиладиган Вольтемадени олиш имконияти "Бавария"нинг 23 ёшли иқтидор эгасига бўлган қизиқишини янада оширади.
Қўшимча қиламизки, 2024/25 йилги мавсумда Вольтамаде "Штутгарт" сафида барча мусобақаларда 33 та ўйинда майдонга тушиб, 17 та гол ва 3 та голли узатмани амалга оширди.
