"Barselona" sport direktori Deku "RB Leypsig" hujumkor yarim himoyachisi Xavi Simonsning vakillaridan biri bilan uchrashuv o‘tkazdi. Gap hozircha transfer bo‘yicha muzokaralar haqida ketmayapti. "Ko‘k-anorranglilar" direktori shunchaki futbolchining holatini aniqladi va bozordagi variantlardan birini o‘rganish uchun uning tarafi bilan dastlabki aloqani o‘rnatdi. Bularning barchasi haqida Ispaniyaning Sport nashri o‘z sahifalarida hikoya qiladi.
Nufuzli Transfermarkt portali 22 yoshli Xavi Simonsni 70 million yevroga baholamoqda. O‘z vaqtida futbolchi "PSJ"ga o‘tishdan oldin "Barselona" yoshlar jamoasidan o‘tgan.













