Italiyaning "Milan" klubi sobiq futbolchisi Kristian Vyerining fikricha, APLga ko‘chib o‘tgan Tidjani Reynders hamda Saudiyaga yo‘l olgan Teo Ernandesning yo‘qotilishi Massimiliano Allegrining kelgusi mavsumdagi rejalariga xalaqit berishi mumkin. Uning so‘zlariga ko‘ra, klub munosib o‘rinbosarlar topishi kerak.
"Reynders - Yevropaning eng yaxshi yarim himoyachilaridan biri, Teo ham o‘z pozisiyasida eng yaxshilardan biri. "Milan"da ularning o‘rnini to‘ldirish, kuchsiz bo‘lmagan futbolchini topish uchun atigi 45 kun bor. Ular Modrichni olishdi, ammo uning yoshi o‘tib qoldi", - deya Vyerining so‘zlarini keltiradi pianetamilan.it.
Eslatib o‘tamiz, Kristian Vyeri 2005 yilda "Milan" sharafini himoya qilgan.
