Saudiya Arabistoni terma jamoasi bosh murabbiyi Erve Renar "PSJ" himoyachisi Ashraf Hakimiy "Oltin to‘p"ga loyiq, degan fikrni bildirdi.

"Uning taraqqiyoti hayratlanarli. "Borussiya"dan "Inter", keyin "Pari Sen-Jermen"gacha - Hakimiy faqat top-klublarda o‘ynagan, bu uning haqiqiy iste’dodidan dalolat beradi. U hozirda dunyoning eng yaxshi o‘yinchilaridan biri. Men uchun u - bu yilgi "Oltin to‘p" sohibi, chunki u barcha o‘yinlarida o‘ziga xos, izchil va qat’iyatli edi. Bugungi kunda Hakimiy qit’aning eng yaxshi futbolchisi. Va uning yoshligini (26 yosh) hisobga olsak, u hali o‘zining eng yuqori cho‘qqisidan uzoqda," - deya Renarning so‘zlarini keltiradi 360 Sport.

26 yoshli marokashlik futbolchi 2024/25 yilgi mavsumda barcha musobaqalarda 55 ta o‘yinda maydonga tushib, 11 ta gol urdi va 16 ta golli uzatmani amalga oshirdi.

Renar 2016 yildan 2019 yilgacha Marokash terma jamoasini boshqargan.