Саудия Арабистони терма жамоаси бош мураббийи Эрве Ренар "ПСЖ" ҳимоячиси Ашраф Ҳакимий "Олтин тўп"га лойиқ, деган фикрни билдирди.

"Унинг тараққиёти ҳайратланарли. "Боруссия"дан "Интер", кейин "Пари Сен-Жермен"гача - Ҳакимий фақат топ-клубларда ўйнаган, бу унинг ҳақиқий истеъдодидан далолат беради. У ҳозирда дунёнинг энг яхши ўйинчиларидан бири. Мен учун у - бу йилги "Олтин тўп" соҳиби, чунки у барча ўйинларида ўзига хос, изчил ва қатъиятли эди. Бугунги кунда Ҳакимий қитъанинг энг яхши футболчиси. Ва унинг ёшлигини (26 ёш) ҳисобга олсак, у ҳали ўзининг энг юқори чўққисидан узоқда," - дея Ренарнинг сўзларини келтиради 360 Sport.

26 ёшли марокашлик футболчи 2024/25 йилги мавсумда барча мусобақаларда 55 та ўйинда майдонга тушиб, 11 та гол урди ва 16 та голли узатмани амалга оширди.

Ренар 2016 йилдан 2019 йилгача Марокаш терма жамоасини бошқарган.