Tarkibini kuchaytirish bo‘yicha seleksiyani davom ettirayotgan "Andijon" yana bir futbolchi bilan kelishuvga erishdi.

Endilikda iqtidorli himoyachi Sunnatilla Hamidjonov ikkinchi davrada "burgutlar" sharafini himoya qiladi.

Tomonlar o‘zaro kelishuvga erishdilar va Hamidjonov mavsum oxiriga qadar "Surxon" klubidan ijaraga olindi.

Ma’lumot uchun, Hamidjonov 2001 yilning 8 yanvar sanasida Toshkentda tavallud topgan. U 2021 yilgi mavsumda "Andijon" tarkibida to‘p tepgan. Shundan so‘ng "Olimpik" va "Surxon" jamoalarida faoliyatini davom ettirdi.

Bu yil birinchi davrada termizliklar safida 14 ta o‘yinda maydonga tushgan va 2 ta golli pasni uzatgan.