Xalqaro Olimpiya qo‘mitasi 2028 yilda bo‘lib o‘tadigan Los-Andjeles Olimpiadasi uchun rasmiy taqvimni e’lon qildi. Tantanali ochilish marosimi 14 iyul kuni o‘tkazilishi belgilangan bo‘lsa-da, ba’zi sport turlari bo‘yicha musobaqalar ikki kun avval, 12 iyuldan boshlanadi.
Boks musobaqalari bo‘lsa, 15 iyuldan start oladi va 23 iyulgacha saralash va chorak final uchrashuvlari o‘tkaziladi. Yarim final va final janglari 4 kun: 27 dan 30 iyulgacha tashkil etiladi.
Janglarning finalgacha bo‘lgan qismiga “Peacock Theater” majmuasi mezbonlik qiladi. Hal qiluvchi bahslar esa, “DTLA Arena” da bo‘lib o‘tishi rejalashtirilgan.













