"Manchester Siti" va "Arsenal" jamoalarining sobiq himoyachisi Bakari Sanya "Liverpul" futbolchilariga Diogu Jotaning vafotidan so‘ng psixologik yordam olishga e’tibor qaratishni maslahat berdi.
"Men akamni yo‘qotganimda, "Arsenal"da o‘ynashni davom ettira olaman deb o‘ylagandim... ammo aslida xayolim butunlay boshqa joyda edi," - dedi Sanya CNN efirida.
3 iyul kuni Ispaniyada sodir bo‘lgan yo‘l-transport hodisasi oqibatida 28 yoshli Jota va uning ukasi Andre Silva halok bo‘ldi. Dastlabki xulosalarga ko‘ra, Jota boshqarayotgan avtomobil belgilangan tezlik chegarasidan oshib ketgan. Quvib o‘tish paytida mashinaning g‘ildiragi yorilgan, natijada futbolchi boshqaruvni yo‘qotgan.
