"Манчестер Сити" ва "Арсенал" жамоаларининг собиқ ҳимоячиси Бакари Санья "Ливерпуль" футболчиларига Диогу Жотанинг вафотидан сўнг психологик ёрдам олишга эътибор қаратишни маслаҳат берди.
"Мен акамни йўқотганимда, "Арсенал"да ўйнашни давом эттира оламан деб ўйлагандим... аммо аслида хаёлим бутунлай бошқа жойда эди," - деди Санья CNN эфирида.
3 июль куни Испанияда содир бўлган йўл-транспорт ҳодисаси оқибатида 28 ёшли Жота ва унинг укаси Андре Силва ҳалок бўлди. Дастлабки хулосаларга кўра, Жота бошқараётган автомобиль белгиланган тезлик чегарасидан ошиб кетган. Қувиб ўтиш пайтида машинанинг ғилдираги ёрилган, натижада футболчи бошқарувни йўқотган.
