"Barselona" darvozaboni Mark-Andre ter Shtegen 24 iyulga qadar belida jarrohlik amaliyoti o‘tkazish-o‘tkazmasligi borasida bir qarorga kelishi kerak, deb yozadi AS.

Qayd etilishicha, 33 yoshli darvozabonning belidagi og‘riq jamoa bilan mashg‘ulot o‘tkazishga to‘sqinlik qilmoqda, shu bois klub jarrohlik amaliyotini o‘tkazishni talab qilmoqda. Biroq futbolchining o‘zi buni istamayapti va o‘z hissiyotlariga ishonch hosil qilish uchun biroz vaqt berishni so‘radi.

Bundan tashqari, jamoa ter Shtegenning ta’tildan qaytganidan keyingi noodatiy xatti-harakatlariga e’tibor qaratdi. Manbalardan birining ta’kidlashicha, darvozabon so‘nggi bir necha kun ichida o‘zini juda g‘alati tutmoqda va hamma narsadan shikoyat qilmoqda. Taxminlarga ko‘ra, futbolchining bunday xatti-harakatiga bosh murabbiy Xans-Flik bilan yaqinda bo‘lib o‘tgan suhbat sabab bo‘lgan bo‘lishi mumkin, u ter Shtegenga u endi jamoaning asosiy darvozaboni emasligini aytgan.

Ter Shtegen "Barselona" safida 2014 yildan buyon to‘p tepib kelmoqda. 2024/25 yilgi mavsumda u "ko‘k-anorranglilar" safida barcha musobaqalarda 9 ta o‘yinda maydonga tushib, 11 ta gol o‘tkazib yubordi va 1 ta o‘yinda darvozasi daxlsizligini saqlab qoldi.