Uesli Frans "Roma"ga o‘tishga yaqin turibdi.
Avvalroq, Rim klubi "Flamengo"ga taxminan 25 mln yevrolik taklif bilan chiqqani xabar qilingandi. 21 yoshli o‘ng qanot himoyachisi uchun "Zenit" ham shuncha to‘lashga tayyor edi. Eslatib o‘tamiz, iyun oyida braziliyaliklar peterburgliklar taklifini rad etishgandi - klub 30 mln yevro talab qilgani aytilgandi.
Insayder Fabrisio Romanoga ko‘ra, rimliklar 25 mln yevro va bonuslar taklifini yuborgan. Kelishuv yakunlangan deb hisoblanadi.
Ta’kidlanishicha, Ueslining o‘zi faqat "Roma"ga o‘tishni istamoqda, "Zenit"da transfer uchun imkoniyat yo‘q.
Biroq, "Flamengo" futbolchiga o‘rinbosar topganidan keyingina uni sotadi.
