Уэсли Франс "Рома"га ўтишга яқин турибди.
Аввалроқ, Рим клуби "Фламенго"га тахминан 25 млн евролик таклиф билан чиққани хабар қилинганди. 21 ёшли ўнг қанот ҳимоячиси учун "Зенит" ҳам шунча тўлашга тайёр эди. Эслатиб ўтамиз, июнь ойида бразилияликлар петербургликлар таклифини рад этишганди - клуб 30 млн евро талаб қилгани айтилганди.
Инсайдер Фабрицио Романога кўра, римликлар 25 млн евро ва бонуслар таклифини юборган. Келишув якунланган деб ҳисобланади.
Таъкидланишича, Уэслининг ўзи фақат "Рома"га ўтишни истамоқда, "Зенит"да трансфер учун имконият йўқ.
Бироқ, "Фламенго" футболчига ўринбосар топганидан кейингина уни сотади.
