"Real"ning sobiq futbolchisi Predrag Miyatovich Madrid klubidagi vaziyat haqida gapirdi.
"Jamoani yangilash va yangi Modrich, Kroos, Kazemirolarga o‘xshash o‘yinchilarni izlashga to‘g‘ri kelganda... Bir yozda jamoani butunlay qayta qurish imkoni yo‘q. Bu yozda klub bir qator muhim qarorlar qabul qilishi kerak bo‘ladi. Agar Vinisius, Mbappe yoki Rodrigo norozilik bildirsa va klubning qo‘llab-quvvatlashini his qilmasa, ular yaxshi o‘ynay olmaydi. Vinisiusning muxlislari uni ikki-uch yil avvalgidek sevishadi yoki yo‘qligini bilmayman. Va u ham muxlislarni o‘sha paytdagidek hurmat qiladimi, buni ham ayta olmayman.
Men doimo bozor qiymati yuqori bo‘lgan top-o‘yinchilarni to‘plash har doim teskari natija berishini aytaman. Sizda qimmat turadigan aktiv bor, lekin siz undan maksimal daromad olmaysiz. Agar o‘yinchi norozi bo‘lsa, uni kelasi yili sota olish-olmasligingizni bilmaysiz," - deya Miyatovichning so‘zlarini keltiradi Goal portali.
