"Реал"нинг собиқ футболчиси Предраг Миятович Мадрид клубидаги вазият ҳақида гапирди.
"Жамоани янгилаш ва янги Модрич, Кроос, Каземироларга ўхшаш ўйинчиларни излашга тўғри келганда... Бир ёзда жамоани бутунлай қайта қуриш имкони йўқ. Бу ёзда клуб бир қатор муҳим қарорлар қабул қилиши керак бўлади. Агар Винисиус, Мбаппе ёки Родриго норозилик билдирса ва клубнинг қўллаб-қувватлашини ҳис қилмаса, улар яхши ўйнай олмайди. Винисиуснинг мухлислари уни икки-уч йил аввалгидек севишади ёки йўқлигини билмайман. Ва у ҳам мухлисларни ўша пайтдагидек ҳурмат қиладими, буни ҳам айта олмайман.
Мен доимо бозор қиймати юқори бўлган топ-ўйинчиларни тўплаш ҳар доим тескари натижа беришини айтаман. Сизда қиммат турадиган актив бор, лекин сиз ундан максимал даромад олмайсиз. Агар ўйинчи норози бўлса, уни келаси йили сота олиш-олмаслигингизни билмайсиз," - дея Миятовичнинг сўзларини келтиради Goal портали.
