"Inter Mayami" safiga tez orada yana bir yulduz futbolchi - Madridning "Atletiko" klubi yarim himoyachisi Rodrigo de Paul qo‘shiladi. Jurnalist Fabrisio Romanoning xabar berishicha, bitim kelishilgan va yaqin kunlarda yopiladi.
Mayamiliklar Rodrigo de Paulni tezda transferga ko‘ndirishdi, "matraschilar" bilan muzokaralar ham ko‘p vaqt talab qilmadi. Argentinalik xavbek AQSH klubi bilan uzoq muddatli shartnoma imzolaydi.
Ayni paytda Xavyer Maskerano jamoasi MLS Sharqiy konferensiyasi turnir jadvalida beshinchi o‘rinni egallab turibdi va uchta zaxira o‘yini bilan yetakchi "Sinsinnati"dan yetti ochko ortda qolmoqda.
