"Интер Майами" сафига тез орада яна бир юлдуз футболчи - Мадриднинг "Атлетико" клуби ярим ҳимоячиси Родриго де Пауль қўшилади. Журналист Фабрицио Романонинг хабар беришича, битим келишилган ва яқин кунларда ёпилади.
Майамиликлар Родриго де Паулни тезда трансферга кўндиришди, "матрасчилар" билан музокаралар ҳам кўп вақт талаб қилмади. Аргентиналик хавбек АҚШ клуби билан узоқ муддатли шартнома имзолайди.
Айни пайтда Хавьер Маскерано жамоаси МЛС Шарқий конференцияси турнир жадвалида бешинчи ўринни эгаллаб турибди ва учта захира ўйини билан етакчи "Цинциннати"дан етти очко ортда қолмоқда.
