"Manchester Yunayted" futbolchisi Jeydon Sancho hamon "Yuventus" safiga borib qo‘shilishi mumkin.
Klublar bir necha bor vinger bo‘yicha muzokaralar olib borgan, ammo turinliklar murakkab moliyaviy vaziyat tufayli kelishuvni yakunlay olmagan. Endi "keksa sinyora" Samuel Mbangulani sotishga yaqin turibdi: 21 yoshli belgiyalik futbolchi bonuslarni hisobga olmaganda 10 mln yevro evaziga Germaniyaning "Verder" klubiga o‘tadi. La Gazzetta dello Sport xabariga ko‘ra, futbolchi bilan xayrlashganidan so‘ng "Yuventus" Sanchoni sotib olish imkoniyatiga ega bo‘ladi, shu bilan birga "byankonerilar" "Portu"dan Fransishku Konseysauni sotib olishdan bosh tortmaydi.
Transfermarkt portali angliyalik futbolchining narxini 28 mln yevroga baholamoqda, biroq agar avvalroq olingan ma’lumotlarga ishonilsa, u italiyalik grandga arzonroqqa tushishi kerak.













