"Манчестер Юнайтед" футболчиси Жэйдон Санчо ҳамон "Ювентус" сафига бориб қўшилиши мумкин.
Клублар бир неча бор вингер бўйича музокаралар олиб борган, аммо туринликлар мураккаб молиявий вазият туфайли келишувни якунлай олмаган. Энди "кекса синьора" Самуэль Мбангулани сотишга яқин турибди: 21 ёшли бельгиялик футболчи бонусларни ҳисобга олмаганда 10 млн евро эвазига Германиянинг "Вердер" клубига ўтади. La Gazzetta dello Sport хабарига кўра, футболчи билан хайрлашганидан сўнг "Ювентус" Санчони сотиб олиш имкониятига эга бўлади, шу билан бирга "бьянконерилар" "Порту"дан Франсишку Консейсауни сотиб олишдан бош тортмайди.
Transfermarkt портали англиялик футболчининг нархини 28 млн еврога баҳоламоқда, бироқ агар аввалроқ олинган маълумотларга ишонилса, у италиялик грандга арзонроққа тушиши керак.
