"Bavariya" "Liverpul" bilan Luis Dias transferi bo‘yicha muzokaralarda muvaffaqiyat qozonishiga umid qilmoqda. Mersisaydliklar vingerni sotishga shoshilmayapti va allaqachon bir nechta takliflarni rad etgan, ammo tez orada Myunxen grandi yaxshilangan taklif bilan qaytadi. Jurnalist Frank Linkeshning yozishicha, "Bavariya" kolumbiyalik futbolchini sotib olish uchun katta mablag‘ sarflashga tayyor va "Liverpul" katta transfer xarajatlarini qoplash zarurati tufayli rozilik bilan javob beradi, deb hisoblamoqda.

Transfermarkt mutaxassislari talqiniga ko‘ra, Luis Diasning narxi 70 mln yevroni tashkil etadi. Futbolchining Angliya chempioni bilan amaldagi shartnomasi 2027 yilning yoziga qadar mo‘ljallangan.