"Бавария" "Ливерпуль" билан Луис Диас трансфери бўйича музокараларда муваффақият қозонишига умид қилмоқда. Мерсисайдликлар вингерни сотишга шошилмаяпти ва аллақачон бир нечта таклифларни рад этган, аммо тез орада Мюнхен гранди яхшиланган таклиф билан қайтади. Журналист Франк Линкешнинг ёзишича, "Бавария" колумбиялик футболчини сотиб олиш учун катта маблағ сарфлашга тайёр ва "Ливерпуль" катта трансфер харажатларини қоплаш зарурати туфайли розилик билан жавоб беради, деб ҳисобламоқда.
Transfermarkt мутахассислари талқинига кўра, Луис Диаснинг нархи 70 млн еврони ташкил этади. Футболчининг Англия чемпиони билан амалдаги шартномаси 2027 йилнинг ёзига қадар мўлжалланган.
