Ibraima Konate yaqin vaqt ichida klubini o‘zgartirishi mumkin. Football Insider nashri xabariga ko‘ra, "Real Madrid" 26 yoshli fransiyalik himoyachiga qiziqish bildirmoqda va uni joriy transfer oynasida yoki kelasi yozda erkin agent sifatida o‘z safiga qo‘shib olish haqida o‘ylamoqda.

Manbaning aniqlik kiritishicha, "Real" Konateni 2026 yilda tovonsiz qo‘lga kiritishni kutishga tayyor, ammo ijobiy muzokaralar olib borilgan taqdirda, u yozda unga nisbatan kam miqdorda pul taklif qilishi mumkin.

Eslatib o‘tamiz, avvalroq Marca nashri futbolchining o‘zi "Liverpul" rahbariyatini joriy mavsumda jamoani o‘zgartirish istagi haqida xabardor qilgani haqida xabar bergan edi. Konate 2021 yilning yozidan buyon “Liverpul” sharafini himoya qilib kelmoqda. O‘tgan 2024/25 yilgi mavsumda fransiyalik futbolchi barcha musobaqalarda 42 ta o‘yin o‘tkazib, ikkita gol va ikkita golli uzatmani amalga oshirgan. Transfermarkt futbolchining bozor narxini 60 million yevroga baholamoqda.