Ибраима Конате яқин вақт ичида клубини ўзгартириши мумкин. Football Insider нашри хабарига кўра, "Реал Мадрид" 26 ёшли франциялик ҳимоячига қизиқиш билдирмоқда ва уни жорий трансфер ойнасида ёки келаси ёзда эркин агент сифатида ўз сафига қўшиб олиш ҳақида ўйламоқда.

Манбанинг аниқлик киритишича, "Реал" Конатени 2026 йилда товонсиз қўлга киритишни кутишга тайёр, аммо ижобий музокаралар олиб борилган тақдирда, у ёзда унга нисбатан кам миқдорда пул таклиф қилиши мумкин.

Эслатиб ўтамиз, аввалроқ Marca нашри футболчининг ўзи "Ливерпуль" раҳбариятини жорий мавсумда жамоани ўзгартириш истаги ҳақида хабардор қилгани ҳақида хабар берган эди. Конате 2021 йилнинг ёзидан буён “Ливерпуль” шарафини ҳимоя қилиб келмоқда. Ўтган 2024/25 йилги мавсумда франциялик футболчи барча мусобақаларда 42 та ўйин ўтказиб, иккита гол ва иккита голли узатмани амалга оширган. Transfermarkt футболчининг бозор нархини 60 миллион еврога баҳоламоқда.