Saul Niges "Trabzonspor"ga o‘tishdan bosh tortdi.
Yarim himoyachi "Atletiko" bilan shartnomasini bekor qilib, turk klubiga o‘tishi avvalroq xabar qilingandi.
Biroq insayder Fabrisio Romanoning so‘zlariga ko‘ra, 30 yoshli futbolchi fikrini o‘zgartirgan.
Futbolchi allaqachon 4 yillik shartnoma bo‘yicha kelishib olgan. Uni tibbiy ko‘rikdan o‘tkazish rejalashtirilgan edi, u bugun Turkiyaga uchib ketishi kerak edi.
Ta’kidlanishicha, transferni rad etishga oilaviy qaror sabab bo‘lgan. "Trabzonspor" bilan muzokaralar to‘xtatildi.
