Agent Jorje Mendesh "Inter"ning o‘ng qanot himoyachisi Denzel Dyumfrisning "Barselona"ga transferini tashkillashtirishga umid qilmoqda.

29 yoshli futbolchining shartnomasida 25 mln yevro tovon puli ko‘rsatilgan - bu band iyul oyi oxirigacha amal qiladi. Jurnalist Janluiji Longarining so‘zlariga ko‘ra, Mendesh niderlandiyalikning "ko‘k-anorranglilar" safiga o‘tish g‘oyasini faol ilgari surmoqda, biroq hozirda kelishuvda hech qanday siljish kuzatilmayapti. Kataloniya grandi rahbariyati Jyul Kundega ishonadi va u bilan yangi mehnat shartnomasi tuzishni rejalashtirmoqda. Fransuz Xans-Diter Flik jamoasining asosiy tarkibida muntazam o‘ynashda davom etishi kutilmoqda.

Transfermarkt portali Dyumfrisning bozor narxini 35 mln yevroga baholamoqda. Lateralga "Aston Villa" ham qiziqish bildirmoqda.