"RB Leypsig" yarim himoyachisi Xavi Simons faoliyatini Angliyada davom ettirish variantini ko‘rib chiqmoqda va Londonning "Chelsi" klubiga o‘tishga qarshi emas.

Insayder Fabrisio Romanoning yozishicha, "ko‘klar" vakillari allaqachon 22 yoshli niderlandiyalik futbolchining atrofidagilar bilan aloqaga chiqqan, futbolchining o‘zi esa ehtimoliy transferga ijobiy munosabatda. Klublar o‘rtasidagi muzokaralar seshanba kuni rasman boshlanishi kutilmoqda. Shu bilan birga, kelishuv natijasi ko‘p jihatdan "Chelsi" moliyaviy talablarga javob berish uchun bir nechta hozirgi futbolchilarini sotish imkoniyatiga bog‘liq bo‘ladi.

O‘tgan mavsumda Simons 33 ta o‘yinda maydonga tushib, 11 ta gol urgan va sakkizta golli uzatmani amalga oshirgan.