"РБ Лейпциг" ярим ҳимоячиси Хави Симонс фаолиятини Англияда давом эттириш вариантини кўриб чиқмоқда ва Лондоннинг "Челси" клубига ўтишга қарши эмас.
Инсайдер Фабрицио Романонинг ёзишича, "кўклар" вакиллари аллақачон 22 ёшли нидерландиялик футболчининг атрофидагилар билан алоқага чиққан, футболчининг ўзи эса эҳтимолий трансферга ижобий муносабатда. Клублар ўртасидаги музокаралар сешанба куни расман бошланиши кутилмоқда. Шу билан бирга, келишув натижаси кўп жиҳатдан "Челси" молиявий талабларга жавоб бериш учун бир нечта ҳозирги футболчиларини сотиш имкониятига боғлиқ бўлади.
Ўтган мавсумда Симонс 33 та ўйинда майдонга тушиб, 11 та гол урган ва саккизта голли узатмани амалга оширган.
