"Chelsi" vingeri Rahim Sterling transfer oynasi yopilgunga qadar boshqa klubga o‘tishi mumkin.

30 yoshli futbolchi "Arsenal"da ijarada o‘ynab, yana "ko‘klar" ixtiyoriga qaytdi. Jurnalist Saymon Jonsonning ma’lum qilishicha, Chempionlar Ligasida ishtirok etadigan nomi oshkor etilmagan klub angliyalik futbolchini sotib olishga tayyorligini bildirgan. "Chelsi" futbolchini sotishdan kamida 20 mln funt (23 mln yevro atrofida) ishlab olmoqchi.

Rahim Sterling "Arsenal" safida o‘tgan mavsumda 28 ta o‘yinda bitta gol urdi va beshta golli uzatmani amalga oshirdi. "Manchester Siti" sobiq yulduzining "aristokratlar" bilan shartnomasi 2027 yilning yarmigacha mo‘ljallangan.