"Челси" вингери Раҳим Стерлинг трансфер ойнаси ёпилгунга қадар бошқа клубга ўтиши мумкин.
30 ёшли футболчи "Арсенал"да ижарада ўйнаб, яна "кўклар" ихтиёрига қайтди. Журналист Саймон Жонсоннинг маълум қилишича, Чемпионлар Лигасида иштирок этадиган номи ошкор этилмаган клуб англиялик футболчини сотиб олишга тайёрлигини билдирган. "Челси" футболчини сотишдан камида 20 млн фунт (23 млн евро атрофида) ишлаб олмоқчи.
Раҳим Стерлинг "Арсенал" сафида ўтган мавсумда 28 та ўйинда битта гол урди ва бешта голли узатмани амалга оширди. "Манчестер Сити" собиқ юлдузининг "аристократлар" билан шартномаси 2027 йилнинг ярмигача мўлжалланган.
