"Chelsi"ning chap qanot himoyachisi Mark Kukurelya Markus Reshfordning "Barselona"ga o‘tishi haqidagi xabarlardan hayratda qolganini tan oldi.
Kataloniyaliklar angliyalik vingerni "Manchester Yunayted"dan ijaraga olmoqda. Bitim yaqin kunlarda rasman tasdiqlanadi.
"Reshford "Barselona"ga o‘tishini bilganimda juda hayron qoldim. Men buni kutmagan edim. U juda foydali bo‘lishi mumkin, chunki u Premyer-ligada yuqori tempda o‘ynashga odatlangan. Ko‘ramiz, bundan nima chiqadi," - deya "ko‘k-anorranglilar" tarbiyalanuvchisi Kukurelyaning so‘zlarini keltiradi Barca Universal.
Aniq ma’lumotlarga ko‘ra, "Barselona" Markus Reshfordni 30 mln yevroga sotib olishi mumkin.
