Myunxenning "Bavariya" klubida 25 yillik faoliyatini yakunlagan germaniyalik hujumchi Tomas Myuller o‘z karyerasini tugatmaslikka va uni okean ortida davom ettirishga qaror qildi.
Sky Sport Germany nashri xabar berishicha, forvard MLS klublaridan biri bilan kelishuvga yaqin turibdi va bir hafta ichida shartnoma imzolanishi kutilmoqda.
Hozircha 35 yoshli futbolchi aynan qaysi jamoa bilan shartnoma imzolashi aniq emas, biroq futbolchiga asosiy da’vogarlar qatorida "Los-Anjeles" klubi tilga olinmoqda. Myuller 2025 yil yozida jahon chempionati yakunlanishi bilanoq "Bavariya"ni tark etgan edi.
Myunxenliklar safida o‘tkazgan yillari davomida u 756 ta rasmiy o‘yinda ishtirok etib, 250 ta gol urgan va 276 ta golli uzatma bergan.
