Мюнхеннинг "Бавария" клубида 25 йиллик фаолиятини якунлаган германиялик ҳужумчи Томас Мюллер ўз карьерасини тугатмасликка ва уни океан ортида давом эттиришга қарор қилди.

Sky Sport Germany нашри хабар беришича, форвард MLS клубларидан бири билан келишувга яқин турибди ва бир ҳафта ичида шартнома имзоланиши кутилмоқда.

Ҳозирча 35 ёшли футболчи айнан қайси жамоа билан шартнома имзолаши аниқ эмас, бироқ футболчига асосий даъвогарлар қаторида "Лос-Анжелес" клуби тилга олинмоқда. Мюллер 2025 йил ёзида жаҳон чемпионати якунланиши биланоқ "Бавария"ни тарк этган эди.

Мюнхенликлар сафида ўтказган йиллари давомида у 756 та расмий ўйинда иштирок этиб, 250 та гол урган ва 276 та голли узатма берган.