Madridning "Real" klubi "Ayaks" yoshlar akademiyasi yarim himoyachisi Abdella Uazanni o‘z safiga qo‘shib olmaydi.

16 yoshli futbolchi Madriddagi tibbiy ko‘rikdan o‘ta olmagani uchun "qirollik klubi"ga o‘tishi muzlatib qo‘yilgandi. Niderlandiya matbuoti xabariga ko‘ra, biroz vaqt o‘tgach, Uazan Amsterdamda tekshiruvlardan o‘tgan, unda hech qanday muammo aniqlanmagan va "Real" baribir istiqbolli xavbek bilan shartnoma imzolashi mumkin edi. Ispaniyada butunlay boshqacha ma’lumot tarqatilmoqda: Diario AS xabariga ko‘ra, "Real" futbolchi nomzodini boshqa ko‘rib chiqmayapti va amsterdamlik shifokorlarning xulosasiga qaramay, uning uchun kurashdan butunlay chiqib ketgan.

Ma’lum bo‘lishicha, Abdulla Uazanga Yevropaning boshqa klublari qiziqish bildirmoqda.