Мадриднинг "Реал" клуби "Аякс" ёшлар академияси ярим ҳимоячиси Абделла Уазанни ўз сафига қўшиб олмайди.

16 ёшли футболчи Мадриддаги тиббий кўрикдан ўта олмагани учун "қироллик клуби"га ўтиши музлатиб қўйилганди. Нидерландия матбуоти хабарига кўра, бироз вақт ўтгач, Уазан Амстердамда текширувлардан ўтган, унда ҳеч қандай муаммо аниқланмаган ва "Реал" барибир истиқболли хавбек билан шартнома имзолаши мумкин эди. Испанияда бутунлай бошқача маълумот тарқатилмоқда: Diario AS хабарига кўра, "Реал" футболчи номзодини бошқа кўриб чиқмаяпти ва амстердамлик шифокорларнинг хулосасига қарамай, унинг учун курашдан бутунлай чиқиб кетган.

Маълум бўлишича, Абдулла Уазанга Европанинг бошқа клублари қизиқиш билдирмоқда.