"Milan"ning sobiq yulduzi Alesandro Pato mavsumoldi safari davomida "rossonerilar"ning asosiy jamoasi bilan Singapurda ko‘rishdi.
Jurnalistlar bilan suhbatda u Massimiliano Allegrining klubga bosh murabbiy sifatida qaytishi haqidagi fikrlari bilan o‘rtoqlashdi.
"Shaxs sifatida u o‘zgarmadi. Men ishonamanki, hozir u "Milan"ga kerak. U g‘alaba qozongan, "Milan"ni juda yaxshi biladigan inson. Ishonchim komilki, u 100% bu futbolchilarga maydonda kerak bo‘lgan hamma narsani beradi. Uning shu yerda ekanligidan juda xursandman", - dedi Pato.
Eslatib o‘tamiz, bir vaqtlar Pato "Milan" safida barcha turnirlarda 150 ta o‘yin o‘tkazib, 63 ta gol urgan va 18 ta golga assistentlik qilgan. Allegri qo‘l ostida 2010/11 yilgi mavsumda Italiya chempionligini qo‘lga kiritgan.
