"Милан"нинг собиқ юлдузи Алесандро Пато мавсумолди сафари давомида "россонерилар"нинг асосий жамоаси билан Сингапурда кўришди.

Журналистлар билан суҳбатда у Массимилиано Аллегрининг клубга бош мураббий сифатида қайтиши ҳақидаги фикрлари билан ўртоқлашди.

"Шахс сифатида у ўзгармади. Мен ишонаманки, ҳозир у "Милан"га керак. У ғалаба қозонган, "Милан"ни жуда яхши биладиган инсон. Ишончим комилки, у 100% бу футболчиларга майдонда керак бўлган ҳамма нарсани беради. Унинг шу ерда эканлигидан жуда хурсандман", - деди Пато.

Эслатиб ўтамиз, бир вақтлар Пато "Милан" сафида барча турнирларда 150 та ўйин ўтказиб, 63 та гол урган ва 18 та голга ассистентлик қилган. Аллегри қўл остида 2010/11 йилги мавсумда Италия чемпионлигини қўлга киритган.