L’Equipe nashri sahifalarida hujumkor yarim himoyachi Aleksandr Golovinning kelajagi haqida material e’lon qilindi. Unda aytilishicha, 29 yoshli futbolchi yana yuqori darajaga chiqishga va "Monako"ning asosiy tarkibida mustahkam o‘yinchi bo‘lishga bel bog‘lagan.
Qayd etilishicha, Golovin yozda Rossiyaga qaytish variantlaridan voz kechgan. Rossiyalik futbolchi Fransiya Liga 1 jamoasida o‘ynashni davom ettirishga qaror qildi.
Aleksandr Golovin "Monako"da 7 mavsum o‘tkazdi. Bu vaqt ichida yarim himoyachi 232 ta rasmiy o‘yinda maydonga tushib, 34 ta gol va 40 ta golli uzatmani o‘z hisobiga yozdirib qo‘ydi.
