L’Equipe нашри саҳифаларида ҳужумкор ярим ҳимоячи Александр Головиннинг келажаги ҳақида материал эълон қилинди. Унда айтилишича, 29 ёшли футболчи яна юқори даражага чиқишга ва "Монако"нинг асосий таркибида мустаҳкам ўйинчи бўлишга бел боғлаган.
Қайд этилишича, Головин ёзда Россияга қайтиш вариантларидан воз кечган. Россиялик футболчи Франция Лига 1 жамоасида ўйнашни давом эттиришга қарор қилди.
Александр Головин "Монако"да 7 мавсум ўтказди. Бу вақт ичида ярим ҳимоячи 232 та расмий ўйинда майдонга тушиб, 34 та гол ва 40 та голли узатмани ўз ҳисобига ёздириб қўйди.













