"Real" va Niderlandiya terma jamoasi sobiq yarim himoyachisi Uesli Sneyder "qaymoqranglilar"da qisqa muddat qolishi sabablariga izoh berdi va klub o‘z yulduzlarini qadrlamasligi haqidagi fikrlarga ham to‘xtalib o‘tdi.

Sneyderning so‘zlariga ko‘ra, uning Ispaniyadagi qisqa muddati bir vaqtning o‘zida bir nechta holatlarga bog‘liq.

"Ko‘p narsa o‘z ta’sirini o‘tkazdi: shaxsiy hayotimdagi muammolar, jarohatlar, boshqaruvdagi o‘zgarishlar, jamoaning rivojlanish yo‘nalishidagi o‘zgarishlar. "Real"da o‘tkazgan vaqtim menga yoqdi, lekin u yerda uzoq vaqt qoladigan vaqt emas edi", - dedi u.

Sobiq yarim himoyachi "Real" har doim ham o‘z yulduzlarini qadrlamaydi, deb o‘ylaysizmi, degan savolga qat’iy javob qaytardi: "Men bunday deb o‘ylamayman. Bu hammani xursand qilish uchun juda katta klub. Lekin eng muhimi, muxlislar unutmasliklari - men uchun bu asosiysi", - dedi sobiq futbolchi.

Sneyder 2007 yildan 2009 yilgacha "Real"da o‘ynagan, shundan so‘ng "Inter"ga o‘tgan va u bilan 2010 yilda Chempionlar ligasida g‘olib chiqqan.