"Реал" ва Нидерландия терма жамоаси собиқ ярим ҳимоячиси Уэсли Снейдер "қаймоқранглилар"да қисқа муддат қолиши сабабларига изоҳ берди ва клуб ўз юлдузларини қадрламаслиги ҳақидаги фикрларга ҳам тўхталиб ўтди.
Снейдернинг сўзларига кўра, унинг Испаниядаги қисқа муддати бир вақтнинг ўзида бир нечта ҳолатларга боғлиқ.
"Кўп нарса ўз таъсирини ўтказди: шахсий ҳаётимдаги муаммолар, жароҳатлар, бошқарувдаги ўзгаришлар, жамоанинг ривожланиш йўналишидаги ўзгаришлар. "Реал"да ўтказган вақтим менга ёқди, лекин у ерда узоқ вақт қоладиган вақт эмас эди", - деди у.
Собиқ ярим ҳимоячи "Реал" ҳар доим ҳам ўз юлдузларини қадрламайди, деб ўйлайсизми, деган саволга қатъий жавоб қайтарди: "Мен бундай деб ўйламайман. Бу ҳаммани хурсанд қилиш учун жуда катта клуб. Лекин энг муҳими, мухлислар унутмасликлари - мен учун бу асосийси", - деди собиқ футболчи.
Снейдер 2007 йилдан 2009 йилгача "Реал"да ўйнаган, шундан сўнг "Интер"га ўтган ва у билан 2010 йилда Чемпионлар лигасида ғолиб чиққан.
