"Barselona"ning yangi a’zosi Markus Reshford Ispaniya va Angliya chempionatlari o‘rtasidagi farqlar haqidagi savolga javob berdi.

27 yoshli futbolchi faoliyatida ilk bor xorij chempionatida o‘ynaydi. Kataloniya grandi vingerni keyinchalik sotib olish imkoniyati bilan "Manchester Yunayted"dan ijaraga oldi.

"La Liga darajasi APL bilan solishtirganda qanday? Hozircha ayta olmayman, chunki hali "Barselona"da debyut qilmadim. Yevrokuboklarda Ispaniya jamoalariga qarshi o‘yinlarga asoslanib, shunday xulosaga keldimki, La Ligada futbol juda texnik, bu yerda to‘pga egalik qilishni yaxshi ko‘rishadi, bundan zavqlanishadi. Hozircha nimaga duch kelishimni aniq bilmayman, ammo buni uddalay olishimga ishonaman," - dedi Reshford "Barsa"ga o‘tganidan keyin bergan intervyusida.

Angliyalik futbolchi "Manchester Yunayted" safida 426 ta o‘yinda maydonga tushib, 138 ta gol va 77 ta golli uzatmaga mualliflik qilgan.