Madridning "Atletiko" klubi "Shtutgart" yarim himoyachisi Enso Miyo transferiga qiziqish bildirmoqda, deya xabar bermoqda L'Equipe.
Manbaga ko‘ra, madridliklar 23 yoshli futbolchining transferi bo‘yicha muzokaralarni boshlab yuborgan. Qayd etilishicha, "matraschilar" futbolchini sotib olish bandini faollashtirishga tayyor, uning shartnomasida 20 million yevro tovon puli ko‘rsatilgan, shuning uchun Miyoning o‘zi bilan faqat shaxsiy shartlar bo‘yicha kelishib olish qolgan.
Miyoning "Shtutgart" bilan shartnomasi 2028 yilning yozigacha mo‘ljallangan. Transfermarkt portali uni 35 million yevroga baholamoqda. U avvalroq "Monako"da o‘ynagan, Fransiya terma jamoasida to‘rtta o‘yin o‘tkazgan.













