"Liverpul" hamon Aleksandr Isakka qiziqishda davom etmoqda.
Avvalroq, hujumchi "Nyukasl" rahbariyatiga faoliyatini boshqa klubda davom ettirish variantlarini ko‘rib chiqish istagini bildirgani ma’lum bo‘lgandi.
Futbolchi sonidan olgan jarohati tufayli Singapur va Janubiy Koreya bo‘ylab mavsumoldi turnega jamoa bilan bormadi. Shvesiyalik futbolchiga "Liverpul" va "Al-Hilol" qiziqish bildirayotgani aytilgandi.
Insayder Fabrisio Romanoga ko‘ra, hujumchi Ugo Ekitikeni sotib olganidan keyin ham "qizillar"ning nishoni bo‘lib qolmoqda. Ammo vaziyatning rivojlanishi "Nyukasl"ga bog‘liq.
Agar klub futbolchini qo‘yib yuborishga rozi bo‘lsa, jamoalar 10 kun oldin o‘rnatilgan birinchi to‘g‘ridan-to‘g‘ri aloqalardan so‘ng muzokaralarga qaytishlari mumkin bo‘ladi. "Liverpul" Luis Diasni sotsa, taklif bilan chiqish imkoniyatiga ega bo‘ladi.
Qayd etilishicha, ayni paytda Isak "Al-Hilol" bilan aniq muzokaralar olib bormayapti.
