"Ливерпуль" ҳамон Александр Исакка қизиқишда давом этмоқда.
Аввалроқ, ҳужумчи "Ньюкасл" раҳбариятига фаолиятини бошқа клубда давом эттириш вариантларини кўриб чиқиш истагини билдиргани маълум бўлганди.
Футболчи сонидан олган жароҳати туфайли Сингапур ва Жанубий Корея бўйлаб мавсумолди турнега жамоа билан бормади. Швециялик футболчига "Ливерпуль" ва "Ал-Ҳилол" қизиқиш билдираётгани айтилганди.
Инсайдер Фабрицио Романога кўра, ҳужумчи Уго Экитикени сотиб олганидан кейин ҳам "қизиллар"нинг нишони бўлиб қолмоқда. Аммо вазиятнинг ривожланиши "Ньюкасл"га боғлиқ.
Агар клуб футболчини қўйиб юборишга рози бўлса, жамоалар 10 кун олдин ўрнатилган биринчи тўғридан-тўғри алоқалардан сўнг музокараларга қайтишлари мумкин бўлади. "Ливерпуль" Луис Диасни сотса, таклиф билан чиқиш имкониятига эга бўлади.
Қайд этилишича, айни пайтда Исак "Ал-Ҳилол" билан аниқ музокаралар олиб бормаяпти.
