"Real" Endrikni ijaraga berishga tayyor.

ESPN xabariga ko‘ra, madridliklar braziliyalik hujumchining o‘sishi sekinlashmasligi uchun uni vaqtincha boshqa jamoaga qo‘yib yuborishga tayyor. "Real" rahbariyati va murabbiylar shtabi 19 yoshli futbolchi uchun eng yaxshi variant La Liganing boshqa jamoasiga o‘tish va u yerda Ispaniya chempionatiga moslashish bo‘ladi, deb hisoblamoqda.

Qayd etilishicha, Braziliya terma jamoasi bosh murabbiyi Karlo Anchelotti Endrikni JCH-2026ga chaqirishni rejalashtirmoqda, ammo u ham forvard muntazam o‘yin amaliyotiga ega bo‘lishi uchun boshqa klubga o‘tishi kerak deb hisoblaydi.

Shu bilan birga, futbolchining o‘zi "Real"ni tark etishni istamayapti.

O‘tgan mavsumda Endrik barcha musobaqalarda 37 ta o‘yinda maydonga tushib, 7 ta gol urgan.