"Реал" Эндрикни ижарага беришга тайёр.

ESPN хабарига кўра, мадридликлар бразилиялик ҳужумчининг ўсиши секинлашмаслиги учун уни вақтинча бошқа жамоага қўйиб юборишга тайёр. "Реал" раҳбарияти ва мураббийлар штаби 19 ёшли футболчи учун энг яхши вариант Ла Лиганинг бошқа жамоасига ўтиш ва у ерда Испания чемпионатига мослашиш бўлади, деб ҳисобламоқда.

Қайд этилишича, Бразилия терма жамоаси бош мураббийи Карло Анчелотти Эндрикни ЖЧ-2026га чақиришни режалаштирмоқда, аммо у ҳам форвард мунтазам ўйин амалиётига эга бўлиши учун бошқа клубга ўтиши керак деб ҳисоблайди.

Шу билан бирга, футболчининг ўзи "Реал"ни тарк этишни истамаяпти.

Ўтган мавсумда Эндрик барча мусобақаларда 37 та ўйинда майдонга тушиб, 7 та гол урган.