"Manchester Yunayted" 32 yoshli argentinalik darvozabon Emiliano Martinesni ijaraga olish bo‘yicha "Aston Villa"ga taklif yubordi. Biroq, All About Argentina nashrining TyC Sports'ga tayanib xabar berishicha, Birmingem klubi "qizil iblislar"ning tashabbusini zudlik bilan rad etgan, hatto kelishuv shartlarini ham ko‘rib chiqmagan.
Avvalroq OAVda "Aston Villa" Martines bo‘yicha takliflarni faqat to‘laqonli transfer amalga oshirilgan taqdirdagina ko‘rib chiqishga tayyorligi, uning narxi taxminan 47 million yevro ekani haqida xabarlar tarqalgan edi. Ijara hozirgi sharoitda klub uchun qiziq emas.













