"Manchester Yunayted" bosh murabbiyi Ruben Amorim Angliya Premyer-ligasi mavsumini hozirda ixtiyorida bo‘lgan tarkib bilan boshlashga tayyorligini ma’lum qildi.
"O‘ylaymanki, klubimiz hozirda yangi futbolchilarni qo‘lga kiritishda juda ehtiyotkor bo‘lishi kerak. Agar mavsumni shunday tarkib bilan boshlashga to‘g‘ri kelsa, xursand bo‘laman. Chunki "Manchester Yunayted"da bor bo‘lgan barcha futbolchilar klubda o‘ynashni istaydi," - deya murabbiyning so‘zlarini keltiradi ESPN.
Eslatib o‘tamiz, yozda "Manchester Yunayted" "Brentford" vingeri Brayan Mbeumoni sotib oldi va uning transfer summasi 75 mln yevroga baholanmoqda.
APL yangi mavsumining ilk turida "MYU" o‘z maydonida Londonning "Arsenal" klubini qabul qiladi.













