"Манчестер Юнайтед" бош мураббийи Рубен Аморим Англия Премьер-лигаси мавсумини ҳозирда ихтиёрида бўлган таркиб билан бошлашга тайёрлигини маълум қилди.
"Ўйлайманки, клубимиз ҳозирда янги футболчиларни қўлга киритишда жуда эҳтиёткор бўлиши керак. Агар мавсумни шундай таркиб билан бошлашга тўғри келса, хурсанд бўламан. Чунки "Манчестер Юнайтед"да бор бўлган барча футболчилар клубда ўйнашни истайди," - дея мураббийнинг сўзларини келтиради ESPN.
Эслатиб ўтамиз, ёзда "Манчестер Юнайтед" "Брентфорд" вингери Брайан Мбеумони сотиб олди ва унинг трансфер суммаси 75 млн еврога баҳоланмоқда.
АПЛ янги мавсумининг илк турида "МЮ" ўз майдонида Лондоннинг "Арсенал" клубини қабул қилади.













