Italiyaning "Milan" klubi yarim himoyachisi Yussuf Fofana Luka Modrichning jamoaga o‘tishi borasida fikr bildirdi.

"U bilan mashg‘ulotlarni intiqlik bilan kutmoqdamiz. Bunday odamning o‘yinini tomosha qilish yoki maydondan tashqarida u bilan suhbatlashish orqali o‘rganadigan narsalarimiz bor. U "Milan"ga ko‘p narsa beradi," - deya Fofananing so‘zlarini keltiradi La Gazzetta dello Sport.

Bungacha Modrich 13 yil davomida Madridning "Real" klubi safida to‘p tepgan va "qaymoqranglilar" safida barcha musobaqalarda 597 ta o‘yinda maydonga tushgan (43 ta gol, 95 ta golli uzatma). O‘tmishda jahon vise-chempioni va "Oltin to‘p" sohibiga aylangan 39 yoshli xorvatiyalik futbolchi yozda "Milan" safiga erkin agent sifatida kelib qo‘shildi.